Bugun.tv xəbər verir ki, siyasi ekspert Məhəmməd Əsədullazadə öz sosial media hesabında ABŞ və İran arasında mümkün yeni sazişlə bağlı paylaşım edib.
Ekspertin fikrincə, ABŞ və İran arasında Pakistanın vasitəçiliyi ilə yeni razılaşmanın imzalanması ehtimalı gündəmdədir.
Onun sözlərinə görə, bu saziş tərəflər arasında “məğlub və qalib tərəf olmadan” bərabər statuslu formatda həyata keçirilə bilər.
M. Əsədullazadə qeyd edib ki, planlaşdırılan razılaşmaya əsasən tam atəşkəs rejimi tətbiq oluna, Hörmüz boğazında müştərək monitorinq mexanizmi yaradılaraq təhlükəsizlik təmin oluna bilər. Eyni zamanda İran üzərinə tətbiq olunan bəzi sanksiyaların mərhələli şəkildə ləğvi də gündəmdədir.
Ekspert əlavə edib ki, tərəflər arasında hücum etməmək razılaşmasının əldə olunması Yaxın Şərqdə yeni diplomatik mərhələnin başlanğıcı ola bilər. Onun fikrincə, İranın danışıqlardakı mövqeyi güclənir və bu proses ABŞ-ın regiondakı siyasətinə də təsir göstərə bilər.