Avropa liderləri dünən İngiltərənin paytaxtı Londonda Ukrayna məsələsini müzakirə ediblər. “Tarixdə dönüş nöqtəsindəyik” deyən İngiltərə Baş naziri Starmer AB-nin Ukrayna planını açıqlayarkən ABŞ-dan diqqətçəkən bir addım gəldi. ABŞ-ın müdafiə naziri Pit Heqsetin Rusiyaya qarşı hücum əməliyyatlarını dayandırmaq əmri verdiyi və bunun ölkəni daha həssas vəziyyətə salacağı iddia edilir.
Trudeau: “Trampın Kanadanı ələ keçirməkdən danışması ciddi vəziyyətdir”
Kanadanın baş naziri Castin Trüdo Ukrayna Sammitində iştirak etmək üçün gəldiyi İngiltərədə açıqlama verib. Trudeau bu gün İngiltərə kralı Çarlz ilə görüşəcəyini və görüşlərdəki prioritetinin ölkəsinin suverenliyini qorumaq olacağını bildirib. “Əlahəzrətlə görüşü səbirsizliklə gözləyirəm. Həmişə olduğu kimi, biz Kanada və kanadalılar üçün vacib olan məsələləri müzakirə edəcəyik və sizə deyə bilərəm ki, kanadalılar üçün bir millət olaraq suverenliyimizi və müstəqilliyimizi müdafiə etməkdən daha vacib heç nə yoxdur”, – Trüdo öz bəyanatında bildirib.
ABŞ prezidenti Donald Trampın Kanadanı 51-ci əyalət olaraq görmək istədiyinə dair tez-tez açıqlamalarına toxunan Trudeau, “Trampın keçən ay Kanadanı alması ilə bağlı danışması ciddi bir vəziyyətdir və bu, Kanadanın zəngin təbii sərvətləri ilə bağlıdır” dedi. Trampın Ukrayna prezidenti Vladimir Zelenski ilə görüşü barədə suala Trudeau “Mən Zelenskinin yanındayam” cavabını verib.
Makronun Ukraynada hava, dəniz və enerji infrastrukturlarını əhatə edən bir aylıq atəşkəs təklifi
Ukraynada 3 ildən artıqdır davam edən müharibəni bitirmək üçün diplomatiya trafiki davam edərkən, dünən Londonun ev sahibliyi etdiyi liderlər zirvəsinə qatılan Makron Ukrayna ilə bağlı zirvə ilə bağlı Fransanın “Le Figaro” qəzetinə açıqlama verib.
Fransa prezidenti Makron bəyan edib ki, o, Avropa qitəsinin Ukraynada əldə olunacaq sülhdə söz sahibi olmasını və danışıqlarda Vaşinqton-Moskva xəttindən geri qalmamasını istəyir.
Ukraynada Amerika və Rusiya arasında imzalanacaq atəşkəs razılaşmasının Rusiya tərəfindən qorunacağına inanmadığını ifadə edən Makron, Rusiyanın mümkün atəşkəsdə hərəkətlərini izləmək üçün İngiltərə baş naziri Starmerlə birlikdə Ukraynada hava və dəniz hücumlarını, enerji infrastrukturlarına hücumları əhatə edən bir aylıq atəşkəs təklif etdiyini qeyd edib.
Ukraynaya qoşun göndərilməsi ilə bağlı Makron bildirib ki, bu, əlçatan atəşkəs əldə edildikdən və həftələrlə davam edən danışıqlardan sonra sülh sazişi imzalandıqdan sonra baş verə bilər.
Biz sülh istəyirik
“Biz nəyin bahasına olursa olsun, zəmanətsiz sülh istəmirik” – fkrini bölüşən Makron, Avropanın müdafiə investisiyalarını artırmalı olduğunu vurğulayıb və ÜDM-nin 3-3,5 faizini müdafiəyə ayırmağı hədəflədiklərini təkrarlayıb.
Mənbə: HurriYet