Bugun.tv xəbər verir ki, texnologiya sənayesində işdən çıxarılmaların son dalğası LinkedIn-dən gəldi.
Şirkət 700-dən çox insanı ixtisar edəcək və Çindəki məşğulluq proqramını bağlayacaq.
“Microsoft”a məxsus peşəkar şəbəkə platformasının baş direktoru Rayan Roslanski işçi heyətinə göndərdiyi məktubda şirkətin gəlir artımının ləngiməsinə və müştəri davranışının dəyişməsinə cavab olaraq 716 vəzifənin işdən çıxarılacağını açıqlayıb.
“Tələblər günbəgün daha çox dəyişir və inkişaf edir. Şərtlərə cavab vermək və biznesi daha çevik etmək məqsədilə biz təchizatçıların istifadəsini genişləndirmək istəyirik. Həmçinin təbəqələri aradan qaldırmaq, idarəetmə rollarını azaltmaq və daha sürətli qərarlar qəbul etmək üçün məsuliyyətləri genişləndirmək niyyətindəyik.”
O bildirib ki, mayın 15-dən etibarən əməliyyatlarda, yeni biznes və hesab idarəetmə qruplarında 250 yeni iş yeri yaradılacaq.
Qeyd edək ki, LinkedIn-in dünya üzrə təxminən 20.000 işçisi var.
Mənbə: aljazeera.com