Bugun.tv-nin verdiyi xəbərə görə, 2023-cü ilin fevral ayında “Facebook” sosial şəbəkəsinin azərbaycanlı istifadəçilərinin aktivliyi yanvar ayı ilə müqayisədə 1,03 faiz azalaraq 28,54 faizə düşüb. Bu göstəriciyə görə, ikinci yerdə “Instagram” dayanır. Onun payı 1,35 faiz artaraq 24,48 faizə çatıb. Üçüncü yerdə 23,49 faizlə “YouTube” gəlir. Dördüncü yerdə isə “Pinterest” sosial şəbəkəsi gəlir. Onun yerli bazarda payı ötən ayla müqayisədə 1,52 faiz azalaraq, 12,95 faizə enib.
“Twitter” media paltforması 7,73 faizlə Azərbaycanın sosial şəbəkələr bazarında populyarlığına görə beşinci yeri tutub. Reytinqdə altıncı yerdə 0,8 faiz göstərici ilə “Linkedin” gəlir. Digər sosial şəbəkələrin payı isə 2,02 faiz təşkil edir.