Bugun.tv xəbər verir ki, Rusiyanın müdafiə naziri Sergey Şoyqu ABŞ istehsalı olan 4 Abrams tankı, Almaniya istehsalı 5 Leopard tankı, 27 ABŞ istehsalı Bradley zirehli maşını, 6 HIMARS atış sistemi və 5-i Patriot olmaqla 11 hava hücumundan müdafiə raket sistemini məhv etdiklərini açıqlayıb.
Rusiyada prezident seçkiləri zamanı Donetsk, Luqansk, Zaporojya və Xerson kimi kritik bölgələrdə seçki təhlükəsizliyini təmin etdiklərini bildirən Şoyqu Ukraynanın seçkilər zamanı Rusiya vətəndaşlarına təsir etmək üçün terror üsullarından istifadə etdiyini bildirib.
Şoyqu deyib ki, Ukrayna ordusu mülki şəxslərin olduğu seçki məntəqələrinə və dövlət qurumlarına qarşı məqsədyönlü hücumlar həyata keçirib. Bu, həm ukraynalı komandirlərə, həm də onların qərbli müşavirlərinə məlumdu.
Rusiya ordusunun bu prosesdə tədbirləri artırdığını izah edən Şoyqu, seçki prosesi zamanı Ukraynaya məxsus 419 pilotsuz uçuş aparatının və 67 raketin vurulduğunu qeyd edib.