Rusiyanın müdafiə naziri Sergey Şoyqu “Vostok” qruplaşmasının cənub Donetsk istiqamətindəki bölməsinin nəzarət məntəqəsinə baxış keçirib. O, general-polkovnik Rüstəm Muradovun və qərargah zabitlərinin mövcud vəziyyət və qoşunların hərəkətləri barədə məruzəsini dinləyib.
Bugun.tv xəbər verir ki, bu barədə Rusiya Müdafiə Nazirliyindən bildiriblər.
Nazirliyin məlumatına görə, Rusiya müdafiə rəisi qoşunların təminatının təşkilinə, o cümlədən şəxsi heyətin təhlükəsiz yerləşdirilməsi üçün şəraitin olmasına diqqət yetirib. Tibb və maddi-texniki təchizat bölmələrinin işini yoxlayıb.
Şoyqu xüsusi hərbi əməliyyat zonasında tapşırıqları yerinə yetirən hərbçilərə göstərdikləri fədakarlıq və qəhrəmanlıqlara görə təşəkkür edib, onlara mükafatlar verib.
“Bunlar layiqli mükafatlardır. Siz cəsarətlə mübarizə aparırsınız. Hələ görüləsi çox iş var. Çox ümid edirəm ki, siz bundan sonra da ölkəmizə sədaqətlə xidmət edəcəksiniz”, – deyən müdafiə naziri hərbçilərə sağ-salamat vətənə qayıtmalarını arzulayıb.
Mənbə:TASS