Bugun.tv xəbər verir ki, qarşıdurmaların yaşandığı Sudan sərhədində fransız əsgərlərinin icazəsiz kəşfiyyat apardığı iddia edilib. Əsgərlərin Çad ordusu tərəfindən saxlanıldığı açıqlanıb. Onların formada və silahlı olduğu deyilir.
İddiaya görə, Çad ordusu Fransa əsgərlərini icazəsiz olaraq bölgədə kəşfiyyat apardıqları üçün nəzarətə götürüblər. Onu da deyək ki, Çad Sudandakı münaqişələrdən ən çox zərər çəkən ölkələrdən biridir. Münaqişələrdən qaçan sudanlılar Çada köçürlər.
Bazar günü səhər Sudanda ölkəyə humanitar yardımın çatdırılması üçün atəşkəs elan edilib.
Qeyd edək ki, ölkədə üçüncü ayına qədəm qoyan qarşıdurmada minə yaxın insan həyatını itirib, 5 minə yaxın insan isə yaralanıb.
Mənbə: TRT Haber