Aralıq dənizi bölgəsindən olan invaziv qarışqa növü Tapinoma magnum Almaniyanı faktiki olaraq fəth etdi. Qarışqalar əhaliyə böyük çətinlik yaradır. İndi internet və elektrik infrastrukturunu məhv edirlər.
Vətəni Aralıq dənizi bölgəsi olan “super qarışqalar” Fransa, Almaniya və İsveçrəyə yayılıb. Almaniyada vəziyyət getdikcə pisləşir. Tapinoma magnum adlı invaziv qarışqaların koloniyaları faktiki olaraq ölkəni zəbt edib.
ELEKTRİĞİ VƏ İNTERNETİ KESİRLƏR
Xüsusilə Almaniyanın Baden-Vürtemberq, Reynland-Pfalts, Hessen və son olaraq Saksoniya əyalətlərində yayılan invaziv növlər Kehldə elektrik və internet kabellərini məhv etməyə başlayıb. Daha doğrusu, səkilərin altından qazdıqları üçün infrastruktur çökmələri baş verir. Hətta buna görə bəzi uşaq meydançaları bağlanmalı olub, buna səbəb kimi təhlükəsizlik göstərilib.
İnvaziv qarışqalar həmçinin ətraf mühitə kəskin, pis qoxu yayırlar və koloniyalar halında səyahət etdikləri üçün qoxu ətrafı bürüyə bilər.
YAYILMALARIN ƏSAS SƏBƏBİ İDXALDIR
“The Sun” yazır ki, qarışqaların Almaniyaya yayılmasının əsas səbəbi bağ mərkəzləri və Aralıq dənizi bitkilərinin idxalıdır.
Alman Təbiət Muzeyləri bir layihə başlatdı və ictimaiyyətdən qarışqa koloniyalarını harada gördüklərini bildirmələrini istədi. Mütəxəssislər kimyəvi müdaxilənin təsirli olmadığını deyirlər. Bələdiyyələr isti su cihazları ilə müdaxilələrə başlayıb.
Mənbə: TgrtHaber