Şərqi Azərbaycan şəhərlərində əhalinin 25 faizi qeyri-standart və yaşayışa uyğun olmayan evlərdə yaşayır. Bu barədə Şərqi Azərbaycan valisinin sosial və mədəniyyət məsələləri üzrə müavini Məhəmməd Əsədullahi məlumat verib.
Bununla yanaşı, Şərqi Azərbaycanın Mənzil Tikinti İdarəsinin yol və şəhərsalma üzrə rəis müavini Mehdi Əshəqinejad əyalətdə 9364 hektara yaxın köhnəlmiş və qeyri-standart yaşayış yerlərinin olduğunu, həmin tikililərdə 1.510 milyona yaxın insanın yaşadığını deyib. Şərqi Azərbaycan əyalətinin Yol və Şəhərsalma İdarəsinin rəisi Əmir Bəxşi nazir müavininin dediklərini təsdiq edib. Onun sözlərinə görə, Təbrizdə 693 min nəfər 3300 hektar ərazidə yerləşən 210 min qeyri-standart və köhnəlmış binalarda yaşayır.
Mənbə: Azad İran