Baş xəbərDünya

Tədqiqat: Valideynlik beyin yaşlanmasını yavaşlata bilər

Uşaqlar sevinc və narahatlıq mənbəyidir. Və beyində yaşa bağlı dəyişikliklərdən qorunma şəklində gözlənilməz bir bonus da var. Bunu Rutgers və Yale universitetlərinin alimləri aşkar ediblər. Onların işi göstərdi ki, uşaqları olan insanlar yaşla bağlı tipik dəyişiklikləri dayandıran sinir əlaqələri yaradırlar. Maraqlıdır ki, bu təsir hər bir sonrakı uşaqla artır.

Tədqiqatçılar UK Biobank-da qeydiyyatdan keçmiş 37 000 iştirakçının məlumatlarına baxıblar. Bu, sağlamlıq və ailə vəziyyəti, həmçinin beyin skan nəticələri haqqında məlumatların yer aldığı Böyük Britaniyanın ən böyük biotibbi məlumat bazasıdır. Mütəxəssislər mərkəzi sinir sisteminin müxtəlif sahələrinin qarşılıqlı əlaqəsini izləmək qərarına gəliblər.

Tədqiqat nəticəsində məlum olub ki, çoxuşaqlı valideynlər arasında beynin əsas sahələri arasında əlaqə daha qabarıq görünür. Bu, xüsusilə sensorimotor bölgələrdə nəzərə çarpır.

Tədqiqatın aparıcı müəllifi Avram Holms, “Beynin yaşla funksional əlaqələri itirən hissələri, əksinə, valideynlərdə daha aktiv olur” deyib.

Alimlərin fikrincə, beyinə təsir gözləyən ananın hamiləliyi zamanı bioloji dəyişikliklərlə deyil, məhz uşaqların tərbiyəsi prosesi ilə bağlıdır. Bu, ana və ataların beyinlərində də analoji dəyişikliklərin müşahidə edildiyini təsdiqləyir. Alimlərin işi göstərir ki, valideynlik çoxlarının inandığı kimi, sadəcə olaraq, sinir sistemini depressiyaya salan açıq bir stress deyil. Əksinə, uşaq böyütmək beyin üçün bir növ fitnes ola bilər. Daimi fiziki fəaliyyət, sosial təmaslar və intellektual vəzifələr sinir sisteminin işini dəstəkləyən təbii məşqlərə çevrilir.

Mənbə: mail.ru

Aynur Camal

Oxşar xəbərlər

“Ən yaxşı snayper” adı uğrunda yarış keçirilib – VİDEO

Aynur Camal

Millət vəkili Qazaxıstan Yazıçılar Birliyinə üzv seçilib

Kəmalə Sultan

“Sanksiyalara baxmayaraq, Fransa Rusiya ilə birgə layihələrdə iştirak edə bilər”

Nigar Məmmədova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu