Cənubi Afrikanın Durban şəhərindən havaya qalxan sərnişin təyyarəsində çaxnaşma anlar yaşanıb.
Cənubi Afrika Yayım Korporasiyasının (SABC) direktoru olduğu öyrənilən Nobuntu ‘Nobs’ Mkhize adlı sərnişin bütün səyahət boyu təyyarədə spirtli içki qəbul edib.
Tamamilə sərxoş olan Mkhize yenidən spirt istəyəndə kabin işçiləri qadına daha çox spirt verməkdən imtina ediblər. Cənubi Afrikanın aparıcı media maqnatı kimi tanınan qadın stüardessaya içki stəkanı atıb.
FlySafair təyyarəsi Cənubi Afrikanın Keyptaun şəhərində təyinat yerinə çatmazdan əvvəl yaxınlıqdakı bəzi sərnişinlər həmin anı telefonlarına qeyd ediblər.
Təyyarənin içərisində çəkilən görüntülərdə bəzi sərnişinlərin oturacaqlarının üzərinə uzanaraq qadını idarə etmək üçün stüardessalara kömək etməyə çalışdıqları görülüb.
Hücumun qarşısını almaq üçün əllərini yuxarı qaldıran stüardessanın üzünə içkisini atan Mkhizenin “Sən bunu edə bilməzsən” qışqırdığı eşidilib.
Yerli medianın məlumatına görə, Mkhize hadisədən bir gün sonra sərxoş olduğunu inkar edib və aviaşirkəti məhkəməyə verməyi planlaşdırdığını bildirib.
FlySafair-in sözçüsü Kirby Gorden qalmaqallı hadisə ilə bağlı bunları deyib: “Biz bu cür davranışı qınayırıq. Uçuş bələdçilərinin əsas vəzifəsi mühafizəçi olmaqdır və onların vəzifələrinə müdaxilə etmək cinayətdir” deyib.
Mənbə: EnSonHaber