“Əlbəttə, Ermənistanın Beynəlxalq Ədalət Məhkəməsinin qərarına ratifikasiya etməsi, təbii ki, bu qərara uyğun olaraq hüquqi tərəf kimi görünür. Amma bu gün Ermənistanın elə bir siyasi gücü, yükü və müstəqilliyi yoxdur ki, o Rusiya prezidentinin Ermənistana səfəri zamanı onu həbs edib, hansısa tribunallara versin”.
Bu sözləri poiltoloq Tural İsmayılov Bugun.tv-yə özəl müsahibəsi zamanı bildirib.
“Mən hesab edirəm ki, Haaqa tribunalında Putin haqqında çıxarılan qərar, bütövlükdə Rusiya-Ukrayna müharibəsinin taleyi, həmçinin, Rusiyanın Ukraynada törətdiyi fəlakətlər və tələfatlar fonunda çox vacibdir. Amma eyni zamanda, bu çıxarılan qərarın böyük mənada dəyişiklilərə səbəb olacağını düşünmürəm. Həm də Rusiya rəhbəri hansı ölkələrdə həbs təhlükəsi olduğunu yaxşı başa düşür. Ancaq istənilən halda, Ermənistanın bu addımı Rusiyaya qarşı növbəti zərbə hesab edilə bilər. Və düşünürəm ki, son dövrlər davam edən bu şıltaqlıqlarına görə Rusiya Emənistana daha kəskin, daha sərt reaksiya verməyi bacarmalıdır”,- politoloq qeyd edib.