Bugun.tv xəbər verir ki, keçmiş sovet ittifaqı (SSRİ) üçün ehtiyat hissələrinin və Rusiya istehsalı olan silahların Rusiya tərəfindən “dost olmayan” ölkələrə satışına qadağa qoyulmasının Bolqarıstanın müdafiə sənayesinə məhdud təsir göstərəcəyi bildirilir.
“Rusiyanın silah ehtiyat hissələrinin ixracına qoyulan embarqo Bolqarıstana məhdud təsir göstərib”, Bolqarıstanın müdafiə naziri Todor Taqarev mətbuata açıqlamasında Rusiyanın sanksiyaları ilə bağlı qiymətləndirmələr edib. Ölkədə Rusiya silahlarının istehsalı və ya təmiri üçün lisenziya ilə fəaliyyət göstərən müəssisələrin sayının kifayət qədər az olduğunu ifadə edən Taqarev, “Rusiyanın silah ehtiyat hissələri ixracat embarqosunun Bolqarıstana təsiri məhduddur. Əslində Rusiyanın çox daha böyük iddiaları var, lakin bunun heç biri Bolqarıstan dövləti tərəfindən qəbul edilməyəcək”, – söyləyib.
Bolqarıstan Silahlı Qüvvələri hələ də köhnə Varşava Müqaviləsi standartlarına uyğun istehsal edilmiş əhəmiyyətli miqdarda silahdan istifadə edib. Bu standartlarda istehsal edən Bolqarıstanın müdafiə sənayesi sektoru ilə Moskva arasında ciddi lisenziya mübahisəsi var. Hava məkanının mühafizəsinə cavabdeh olan Rusiya istehsalı olan köhnə MiQ-29 təyyarələrindən ibarət hava donanmasına texniki xidmət göstərməklə bağlı problemlər yaşayan Bolqarıstanın Polşa tərəfindən təmir edilmiş 6 MiQ mühərriki var. Rusiya Federal Hərbi-Texniki Əməkdaşlıq Xidmətinin (FSVTS) rəhbəri Dmitri Şuqayev dünən Rusiyanın “dost olmayan” ölkələrə, o cümlədən Bolqarıstana silah ehtiyat hissələrinin ixracını dayandırdığını bəyan edib.
Müxbir: İntizar Əmirova