Rospotrebnadzor: Rusiya Federasiyasında vəbayabənzər vibrion səbəbiylə yoluxma halı aşkar edilib.
Krasnoyarsk diyarında Tailanddan gələn qadına vəbayabənzər vibrionun yaratdığı kəskin bağırsaq infeksiyası diaqnozu qoyulub. Bu barədə Rospotrebnadzorun Telegram kanalında məlumat verilib.
Mətbuat xidmətindən verilən məlumata görə, infeksiya aşkar edildikdən sonra xəstəliyin yayılmasının qarşısının alınmasına yönəlmiş kompleks sanitar-karantin tədbirləri həyata keçirilib.
“Müəyyən edilmiş hadisə ilə əlaqədar təyyarə dezinfeksiya edilib”, – məlumatda deyilir.
Rospotrebnadzor qeyd edib ki, yoluxmuş şəxslə təmasda olan hər kəs üçün tibbi müşahidə və müayinə aparılıb. Qadın hazırda xəstəxanadan buraxılıb.
Mütəxəssislər xatırladıblar ki, ekvatorial-tropik iqlimi olan ölkələrə səyahət edərkən qidaya xüsusi diqqət yetirmək lazımdır, çünki tətil zamanı əldə edilən bir çox infeksiya Rusiyada baş verməz və ya nadir hallarda baş verə bilər.
Bundan əvvəl Yekaterinburqda doqquz körpənin valideynləri bayramdan sonra uşaqları üçün həkimə müraciət ediblər. Körpələrdə kəskin bağırsaq infeksiyası əlamətləri müşahidə olunub. Araşdırma onların hamısının 2-ci tip norovirusa yoluxduğunu göstərdi.
Mənbə: mail.ru