Bugun.tv xəbər verir ki, heykəltəraş Elxan Zeynalov görkəmli ədibimiz Mir Cəlal Paşayevin büstünü hazırlayıb.
Bununla bağlı o, şəxsi facebook səhifəsində paylaşım edib. “26 aprel Mir Cəlal ədəbi təxəllüsü ilə tanınan böyük Azərbaycan yazıçısı və ədəbiyyatşünası Mir Ənvər Paşayevin doğum günü oidi. 115 illiyi tamam olan ədibimizə Allahdan rəhmət diləyir, əziz xatirəsinə hazırladığım büstü böyük şərəf və qürur hissi ilə təqdim edirəm”.
E.Zeynalovdan aldığımız məlumata görə, büstün hazırlanması 1ay çəkib. Heykəltəraşımız deyir ki, Mir Cəlal Paşayevə həsr etdiyi əsər sifariş deyil, öz şəxsi təşəbbüsündən irəli gəlib.
O, büstü ədibimizin ilk dəfə pedaqoji fəaliyyətə başladığı Gədəbəy rayonunda yerləşdirilməsini istəyir. Bunun üçün Gədəbəy rayon İcra Hakimiyyətinə müraciət etdiyini deyir.
Xatırladaq ki, heykəltəraş Elxan Zeynalov bir müddət öncə hazırlanan türk şairi Mehmet Akif Ersoyun büstünün müəllifidir.