Uqandada yanacaqla dolu tankerin aşması nəticəsində dəhşətli qəza baş verib. Hadisədə həyatını itirənlərin sayı 24-ə yüksəlib.
Uqandanın rabitə naziri Qodfrey Kabbyanqa açıqlamasında oktyabrın 22-də Kampala-Bombo yolunda baş verən tanker qəzasında ölənlərin sayının artdığını bildirib.
Xəstəxanada müalicə alanlardan 13-nün dünyasını dəyişdiyini bildirən Kabbyanqa, ölənlərin sayının 24-ə yüksəldiyini qeyd edib.
Xatırladaq ki, oktyabrın 22-də Kampala-Bombo yolunda tanker idarəetmədən çıxaraq aşıb. İlkin məlumata görə, yanacaq dolu tankerin alov alması nəticəsində baş verən partlayışda 11 nəfər həyatını itirib.
Mənbə: TGRT