İspaniyanın Algeciras limanında Ekvadordan gələn gəmidə bananların arasında gizlədilən 13 ton kokain ələ keçirilib. Tarixin ən böyük narkotik əməliyyatı çərçivəsində 5 basqın təşkil edilərkən, 2 Ekvadorlu qaçaqmalçının axtarıldığı ifadə edildi.
Tarixin ən böyük narkotik əməliyyatı İspaniyada təşkil olunub. Polisin verdiyi açıqlamaya görə, İspaniyanın cənubundakı Algeciras limanında həyata keçirilən əməliyyatda Ekvadorun Quayaquil şəhərindən gələn gəmidə bananların arasında gizlədilən 13 ton kokain konteynerdə ələ keçirilib.
Açıqlamada bunun İspaniyada bu günə qədər ələ keçirilən ən böyük narkotik maddə olduğu, İspaniya polisi ilə Ekvador polisinin birgə təşkil etdiyi əməliyyatın oktyabrın 14-də həyata keçirildiyi bildirilib.
Polis, əməliyyat çərçivəsində ümumilikdə 5 reyd keçirərək, Toledo şəhərində 1 qadını saxlayıb. Narkotik qaçaqmalçılığı ilə məşğul olan Ekvador ixracat şirkətinin polis və gömrük qeydlərində olduğu, onun qaçan iki menecerinin axtarıldığı bildirilib.
İspaniyada bu günə qədər ən böyük narkotik əməliyyatı 2023-cü ildə həyata keçirilib və 9,4 ton maddə ələ keçirilib. Hakimiyyət orqanlarının məlumatına görə, yanvar və sentyabr aylarında Ekvadorda 204 ton narkotik maddə müsadirə edilib.
Mənbə: Hurriyet.Tr