Tanınmış aktrisa Oksana Rəsulova bir müddətdir ki, teatrda çalışır. Özünü ilk dəfə teatr aktrisası kimi sınayan sənətçi fikirlərini Bugun.tv ilə bölüşüb.
“Artıq 1 ilə yaxındır ki, “M. teatr”-ın aktrisasıyam. Teatrımız yay aylarından fəaliyyətə başlayıb. Ötən həftə mənim ilk oynadığım tamaşanın premyerası baş tutdu. “İnstinkt” tamaşası iki əsər üzərində qurulub. Birincisi Fransk Kafkanın, ikincisi isə gənc yazar Pərviz Seyidlinin əsəri. Xalq artisti Vidadi Həsənov bu iki əsər üzərində pyes yazaraq səhnələşdirib. Səhnədəki tərəf müqabilim isə peşəkar aktyor Ziya Ağadır. Teatrda tamamlanıram, sanki öz yerimdəyəm” deyə aktrisa bildirib.
Oksana Rəsulova bildirib ki, “İnstinkt” tamaşası növbəti dəfə dekabr ayının sonunda nümayiş olunacaq.
