Bugun.tv xəbər verir ki, hadisə Malidə baş verib. Bu barədə yerli mənbələr məlumat yayıb.
Naməlum silahlı şəxslər Burkina-Fasoya yaxın Heremakono sərhəd postuna hücum ediblər. Hadisədə qanalı sürücü və polis məmuru həyatını itirib. 3 nəfər isə yaralanıb.
Eyni zamanda, ölkənin daxili hissəsində yerləşən Mopti bölgəsinin Bankass rayonunun Djan-Oikoro kəndində də terror aktı baş verib. Nəticədə 5 nəfər həlak olub.
Qeyd edək ki, “3 ölkə sərhədi” kimi tanınan Burkina Faso, Mali və Niger son illərdə terror təşkilatı Əl-Qaidə və DEAŞ-a bağlı qrupların hücumlarına məruz qalır.
Mənbə: TRT haber