Bugun.tv xəbər verir ki, hadisə Malidə yaşanıb. Ölkənin mərkəzi hissəsindəki Mopti bölgəsində törədilən 3 hücumda ən azı 9 nəfər ölüb. 60 nəfərin isə, yaralandığı deyilir.
Bu barədə yerli mətbuat məlumat yayıb.
Bildirilir ki, Sevare şəhərində, Birləşmiş Millətlər Təşkilatının və Mali ordusunun hərbi bazalarının yerləşdiyi əraziyə yaxın bölgədə 3 bomba yüklü maşına basqın edilib.
Hücuma görə məsuliyyəti hələlik üzərinə götürən olmayıb. Ancaq bunu Əl-Qaidə terror təşkilatına bağlı qruplaşmanın törətdiyi təxmin edilir.
Qeyd edək ki, Sahel bölgəsində “3 ölkə sərhədi” kimi tanınan Burkina Faso, Mali və Niger son illərdə terror təşkilatı Əl-Qaidə və DEAŞ-a bağlı qrupların hücumlarına məruz qalır.
2013-cü ildən bəri Malidə yerləşən xarici hərbi missiyalara baxmayaraq, ölkədə terror aktları davam edir.
Mənbə: TRT haber