ABŞ-da Trampın otelinin qarşısında Tesla markalı avtomobilini partladan Metyu Alan Livelsbergerin OpenAI-nin süni intellektlə dəstəklənən ChatGPT söhbət botundan faydalandığı məlum olub.
ABŞ mətbuatında çıxan xəbərlərə görə, Las Vegas Clark County Şerifi Kevin McMahill keçirdiyi mətbuat konfransında Livelsbergerin hücumu planlaşdırmaq üçün ChatGPT-dən istifadə etdiyini açıqlayıb.
ChatGPT istifadəsinin yaratdığı narahatlıqla bağlı suala McMahill dedi: “Biz bilirdik ki, süni intellekt nə vaxtsa həyatımızın hər aspektində oyun dəyişdirici olacaq. Məncə, ChatGPT ABŞ ərazisində ilk dəfədir. Məlumat əldə etmək və bir şəxsə xüsusi (partlayıcı) qurğu qurmağa kömək etmək üçün istifadə olunur.”
Bunun onlar üçün narahatlıq doğurduğunu deyən McMahill, “Ancaq bu, həm də ölkə daxilində hüquq-mühafizə orqanları və digər bölmələrlə paylaşmamız lazım olan ibrətamiz bir hadisədir” deyib.
Şerif müavini Dori Koren həmçinin Livelsbergerin əməliyyat üçün lazım olan partlayıcı maddələrin miqdarını və atəşfəşanlıq almaq üçün yerləri araşdırmaq üçün ChatGPT-dən istifadə etdiyini və atəşfəşanlığın partlayıcı potensialı haqqında da öyrəndiyini bildirib. Hüquq-mühafizə orqanları partlayıcı maddələr və ya odlu silahlarla bağlı ChatGPT-nin təqdim etdiyi xüsusi məlumatı açıqlamayıblar.
ChatGPT-nin inkişaf etdiricisi OpenAI, bu hücumun planlaşdırılması prosesində süni intellektin istifadə edildiyinə dair iddialarla bağlı hələ bir açıqlama verməyib.
OTELİN QARŞISINDA PARTLAMA
Yanvarın 1-də yerli vaxtla səhər saat 08.15 radələrində Las-Veqasda “Trump” otelinin qarşısında “Tesla” markalı avtomobil partlayaraq yanıb.
ABŞ mətbuatına məlumat verən səlahiyyətlilər, avtomobildəki şəxsin ABŞ ordusundan Metyu Alan Livelsberger olduğunu açıqlayıb.
Las-Veqasın Klark dairəsinin şerifi Kevin MakMahill, Livlsberqerin avtomobil partlamadan və tapançanın ayağında tapılmadan əvvəl başına atəş açması barədə məlumat paylaşıb.
Mənbə: HurriYet