Bugun.tv xəbər verir ki, Tesla dünyanın ən böyük Supercharger stansiyasını qurmağı planlaşdırır. Burada 164 enerji doldurma qurğusu yerləşdiriləcək. Elektrikli avtomobil istehsalçısı Tesla bununla da dünya üzrə 40 min Supercharger stansiyasına sahib olacaq.
Kaliforniyada qurulacaq yeni məntəqənin 250 kVt gücündə olması planlaşdırılır. Stansiyaya həmçinin qoşqulu avtomobillərin daha asan doldurulması üçün 16 böyük qurğu yerləşdiriləcək. Dayanacaq sahələri günəş panelləri ilə örtüləcək. Şəbəkədən kənar mikroşəbəkə yaratmaq üçün Megapack batareya sistemi quraşdırılacaq.
Bundan əlavə, stansiyada yerləşdiriləcək Starlink terminalları ilə yüksək sürətli internet bağlantısı təmin ediləcək.