Paris-Palermo reyslərini yerinə yetirəcək “EasyJet Hava Yolları”na məxsus sərnişin təyyarəsi məcburi eniş edib.
Bugun.tv xəbər verir ki, bu barədə Fransanın BFMTV telekanalı məlumat yayıb.
Bildirilib ki, havaya qalxdıqdan bir neçə dəqiqə sonra son yoxlamalarını unutduğu anlaşılan təyyarə 180 sərnişini ilə Paris hava limanına eniş edib.
Pilot səhlənkarlığa görə sərnişinlərdən üzr istəyib. Belə hadisənin nadir hallarda baş verdiyini bildirib.
Sərnişinlər təxminən 3 saat yarım sonra başqa təyyarə ilə Palermoya gediblər.