Bugun.tv xəbər verir ki, məşhur sosial media platforması “TikTok” İsveçdə Qurani-Kərimə hücumları ilə tanınan İraq əsilli Salvan Momikanın hesabında pul qazanma funksiyasını bağlayıb.
İsveç dövlət radiosu SR-ə verdiyi açıqlamada, “TikTok” rəsmiləri Momikanın hesabının monetizasiya funksiyasının deaktiv edildiyini təsdiqləyiblər.
Ölkənin rəsmi xəbər agentliyi TT-yə açıqlama verən Momika “TikTok”da canlı yayımladığı Qurana hücum videolarının bir milyondan çox izləyiciyə çatdığını bildirib.
Canlı yayımda “TikTok”dan 1 saat ərzində 100 ilə 300 dollar arasında qazandığını qeyd edən Momika, başqa gəlirinin olmadığını və “TikTok”un bu gəlir gətirən xüsusiyyətini söndürdüyünü bildirib.