Hadisə Avstraliyanın Şimal ərazisində baş verib. Belə ki, daşqınların olduğu bölgədən insanların təxliyyəsi zamanı timsah bir yeniyetməni dişləyib. Gənc dərhal müalicə üçün yerli klinikaya aparılıb.
Qeyd edək ki, bir neçə gün öncə yağan güclü yağış Avstraliyanın Şimal ərazisində daşqınlara səbəb olub. Viktoriya çayının yuxarı hissəsi böyük daşqın səviyyəsinə çatdığından bu həftə dörd ucqar bölgə üçün fövqəladə vəziyyət elan edilib. Avstraliya Müdafiə Qüvvələri güclü yağışdan sonra daşqınların vurduğu ərazilərə yardım etmək üçün çağırılıb.
Bugun.tv xarici mediaya istinadən xəbər verir ki, Meteorologiya bürosu, Viktoriya çayının Kalkarindjidə 14 metr yüksəkliyə çatdığını, hazırda isə azaldığını söyləyib.