Azərbaycanın yüngül çəkidə MMA döyüşçüsü Tofiq Musayev növbəti dəfə meydana çıxıb. O, “Bellator”da rusiyalı rəqibi Aleksandr Şablıya məğlub olub.
Bugun.tv xəbər verir ki, döyüş San Xosedə (Kaliforniya, ABŞ) Bellator 292 turniri çərçivəsində baş tutub.
Həmçinin, rusiyalı Usman Nurməhəmmədov Bellator Qran Prisinin 1/4 finalında keçmiş UFC kəmərinin sahibi amerikalı Benson Hendersonu məğlub edib.
Nurməhəmmədov ilk raundda rəqibini boğaraq ona qalib gəlib. O, 2022-ci ildə qazandığı kəməri qoruyub.
Qeyd edək ki, 24 yaşlı Nurməhəmmədovun hesabında 17 qələbə var, heç bir itki yoxdur. Hendersonun isə, 39 yaşı var. Onun hesabında 30 qələbə və 12 məğlubiyyət var. O, 2012-2013-cü illərdə üç dəfə UFC titulunu qoruyub.