Bugun.tv xəbər verir ki, ötən 2 gün ərzində ölkə ərazisində törədilən 101, əvvəlki dövrlərdən bağlı qalan 26 cinayətin üstü açılıb. Axtarışda olduğuna görə, ümumilikdə 213, o cümlədən borclu şəxs qismində axtarılan 169 nəfər saxlanılaraq aidiyyəti üzrə təhvil verilib.
Respublikanın avtomobil yollarında ölümlə nəticələnən 3 yol-nəqliyyat hadisəsi baş verib, nəticədə 8 nəfər ölüb, 6-sı xəsarət alıb.
Narkotiklərlə əlaqəli 58, qanunsuz saxlanılan silah-sursatın götürülməsi və aşkarlanması ilə bağlı 9 fakt müəyyən edilib. Cinayət törətməkdə şübhəli bilinən 91 nəfər saxlanılıb.
Mənbə: Daxili İşlər Nazirliyi