ABŞ prezidenti Donald Tramp Avropa ölkələrini “Rusiyadan neft almağı dayandırmağa” çağıraraq, “Onların (Rusiyaya) tətbiq etdiyi sanksiyalar kifayət qədər sərt deyil. Mən sanksiyalar tətbiq etməyə hazıram, lakin onlar mənim etdiklərimə mütənasib şəkildə sanksiyaları sərtləşdirməli olacaqlar” deyib.
ABŞ prezidenti Tramp Nyu-Yorkdan Vaşinqtona qayıdan təyyarədə mətbuatın suallarını cavablandırıb.
NATO-nun Rusiyaya qarşı sanksiyaları ilə bağlı Tramp, “Onlar öz işlərini görmürlər. NATO bir araya gəlməlidir. Avropa bir araya gəlməlidir” deyib. O, həmçinin bəyan edib ki, Avropa ölkələri hələ də Rusiyadan neft alırlar.
ABŞ prezidenti Avropa ölkələrinə deyib: “Avropa ölkələri mənim dostumdur, amma onlar Rusiyadan neft alırlar. Avropanın Rusiyadan neft almasına qarşı çıxan tək biz ola bilmərik. Onların neft almasını istəmirəm. Onların tətbiq etdikləri sanksiyalar kifayət qədər sərt deyil. Mən sanksiyalar tətbiq etməyə hazıram, amma nə etməli olsam da, onlar sanksiyaları sərtləşdirməli olacaqlar”.
Rusiyaya qarşı addım atmağa hazır olduğunu bildirən Tramp, Avropa ölkələrinin də oxşar siyasət yürütməli olduğunu müdafiə edib.
Avropa ölkələrinin hazırda yalnız danışdıqlarını, amma hərəkətə keçmədiyini iddia edən Tramp, “Rusiyadan neft almırıq. Onlar Rusiyadan çoxlu neft alırlar. Bu razılaşma deyildi” deyib.
Tramp əlavə edib ki, Rusiya və Ukrayna bir-birlərinə çox nifrət etdikləri üçün “mümkün sülh sazişi” ilə bağlı hələ danışıqlar aparmayıblar və o, bundan məmnun deyil.
Mənbə: HurriYet