ABŞ prezidenti Donald Tramp bəyan edib ki, İran nüvə fəaliyyətlərini bərpa edərsə, hərbi müdaxiləyə hazırdır. Tramp “İranın nüvə proqramını məhv etdik” iddiası ilə çıxış etsə də, Vaşinqtondan gələn kəşfiyyat xəbərləri bu bəyanatı şübhə altına alır.
ABŞ prezidenti Donald Tramp Ağ Evdən çıxarkən jurnalistlərə açıqlamasında İrana yeni təhdidlər səsləndirib. “Biz İranın nüvə proqramını tamamilə məhv etdik” deyən Tramp, “Ümid edirəm ki, onu yenidən qurmağa başlamazlar, çünki bu halda biz tez hərəkət etməli olacağıq” deyib.
Trampın bu sözləri sionist rejimin ötən ilin iyununda İrana qarşı geniş hücumlarından sonra olub. İşğalçılar 12 gün ərzində İrandakı nüvə obyektlərini, hərbi bazaları və mülki əraziləri hədəfə alaraq, İnqilab Keşikçiləri Korpusunun komandirini, Baş Qərargah rəisini və aparıcı nüvə alimlərini şəhid ediblər.
Buna cavab olaraq İran bir sıra raket zərbələri ilə işğal etdiyi ərazilərdə təxribat törədib. Eyni dövrdə ABŞ İrandakı üç nüvə obyektini də vurdu və Tramp administrasiyası Tehranın nüvə qabiliyyətinin tamamilə aradan qaldırıldığını iddia etdi.
Bununla belə, Vaşinqtondakı bəzi kəşfiyyat hesabatları İranın nüvə proqramının tamamilə sıradan çıxarıldığına dair iddiaları şübhə altına alır. Mütəxəssislər Tehranın ağır itkilərə baxmayaraq texnoloji infrastrukturunu qoruyub saxladığını ehtimal edirlər.
Mənbə: İlkha