ABŞ prezidenti Donald Tramp Qətərə potensial hücumun ABŞ üçün təhlükə olduğunu elan edən sərəncam imzalayıb.
Ağ Ev yazılı açıqlamada ABŞ prezidenti Donald Trampın imzaladığı sərəncamın təfərrüatlarını açıqlayıb. Sərəncamda ABŞ-ın Qətərin təhlükəsizliyinə və ərazi bütövlüyünə xarici hücumlara qarşı zəmanət verdiyi vurğulanıb.
Mətndə Qətərin ərazisinə, suverenliyinə və ya kritik infrastrukturuna hər hansı bir hücumun ABŞ-ın sülh və təhlükəsizliyinə təhdid sayılacağı bildirilir.
Qətərə hücum olacağı təqdirdə Vaşinqtonun hər iki ölkənin maraqlarını qorumaq və regionda sülh və sabitliyi bərpa etmək üçün bütün hüquqi, diplomatik, iqtisadi və lazım gələrsə, hərbi addımları atacağı da qeyd edilib.
İsrailin baş naziri Benyamin Netanyahu ABŞ prezidenti Donald Trampla görüşü zamanı Qətərin baş naziri Şeyx Məhəmməd bin Əbdülrəhman Əl-Taniyə zəng edərək İsrailin sentyabrın 9-da Qətərin paytaxtı Dohaya hücumuna görə üzr istəyib.
Çərşənbə axşamı, sentyabrın 9-da, günorta radələrində İsrail ordusu Qətərin paytaxtı Dohaya hava zərbəsi endirib.
West Bay Lagoon (Leqtaifiya) ərazisi yaxınlığında, Wadi Rawdan küçəsindəki Woqod yanacaqdoldurma məntəqəsinin yanındakı kompleksə ciddi ziyan dəydiyi bildirilir.
İsrail ordusu hücumda Qətərdəki HƏMAS-ın yüksək vəzifəli şəxslərini hədəf almaq üçün “dəqiq sursatlardan” istifadə edildiyini açıqlayıb. Əməliyyatda 15 döyüş təyyarəsi iştirak edib və bir hədəfə 10 döyüş sursatı atılıb.
Mənbə: EnSonHaber