“The Wall Street Journal” rəsmilərə istinadən xəbər verir ki, Vladimir Zelenski ilə danışıqlar zamanı ABŞ prezidenti Donald Tramp bildirib ki, onun əsas prioriteti münaqişənin tez bir zamanda həll edilməsidir.
“ABŞ prezidenti bəyan edib ki, Donbasın Ukraynaya qaytarılması prioritet məsələ deyil və qeyd edib ki, Rusiya artıq bu ərazinin əhəmiyyətli hissəsinə nəzarət edir”, – nəşr yazır.
Qəzetin yazdığına görə, Tramp Zelenskiyə də Tomaqavk raketlərini tezliklə gözləməməli olduğunu deyib.
Nəşrin yazdığına görə, Ağ Ev rəhbəri açıq danışıb və bəzən məyus olduğunu bildirib. Hətta bir məqamda o, Ukrayna tərəfinin gətirdiyi döyüşlərin xəritələrinə baxmaqdan belə imtina edib.
Amerika prezidenti ötən həftə Vaşinqtonda Zelenski ilə görüşüb.
Axios danışıqların gərgin keçdiyini və Amerika liderinin sərt göründüyünü qeyd edib. Mənbələrdən biri görüşün “pis keçdiyini” bildirib. Zelenski Ağ Evin qarşısında mətbuat konfransı keçirməyə məcbur olub.
Danışıqlardan bir gün əvvəl Vladimir Putin ABŞ prezidenti ilə telefon danışığı aparıb. Tərəflər Ukrayna ətrafında vəziyyəti müzakirə ediblər. Söhbətdən sonra Ağ Ev rəhbəri həmkarı ilə Budapeştdə görüşməyi planlaşdırdığını açıqlayıb.
Putinlə söhbətdən sonra Kiyevə “Tomaqavk” raketlərinin tədarükü ilə bağlı mümkün qərarı şərh edən Tramp deyib ki, çoxlu sayda raketlərə malik olmasına baxmayaraq, Vaşinqtonun özünə ehtiyacı var.
Mənbə: mail.ru