Bugun.tv xəbər verir ki, İranın Şiraz şəhərindəki Şah Cərəq ziyarətgahına silahlı basqın edilib. ”TRT Haber”ə görə iki nəfər ölüb. İranın yarı-rəsmi agentliyi Tesnim-də dərc olunan xəbərə görə, Şiraz şəhərindəki Şah Çerağ türbəsinə silahlı basqın edilib. İran dövlət televiziyası hücum nəticəsində 7 nəfərin yaralandığını bildirib.
Hücum edənlərin 2 nəfər olduğu və sözügedən şəxslərin Mehdi qapısından türbəyə girməyə çalışdıqları qeyd edilib. Hücum edənlərdən birinin hadisədən sonra tutulduğu, digərinin isə qaçdığı bildirilib.
Türbənin qapılarının bağlı olduğu və təhlükəsizlik qüvvələrinin qaçan hücumçunu tutmaq üçün səylərini davam etdirdiyi bildirilib. Ötən il də hücum olub. Ötən ilin oktyabrında Şah Çərəğ türbəsinə də silahlı basqın olmuş və hücum nəticəsində 13 nəfər həlak olmuşdu. Hücumun səbəbkarlarından ikisi iyulun 8-də edam edilib.
Müxbir: İntizar Əmirova