Türkiyə Respublikasında 14 may prezident seçkilərinə sayılı günlər qalır. Bugun.tv bununla bağlı paytaxt sakinləri arasında sorğu keçirib, kimi prezident görmək istədikləri ilə maraqlanıb.
“Ərdoğan özünü bütün müsəlman dünyasının prezidenti kimi aparıb. Həmişə hamımızın haqqını, hüququnu qoruyub. Ona vurğunluğumuz xüsusidir”. “Rəcəb Tayyip Ərdoğanı görmək istəyərdim, çünki o həmişə bizim yanımızda olub, Azərbaycanı dəstəkləyib”. “Biz, bir millət iki dövlətik. Ərdoğan da bizə ən yaxın insandır. Ondan başqasını mən tanımaq istəmirəm. Arzu edirəm ki, elə Ərdoğan olsun”, “Mən hazırki prezidenti – Rəcəb Tayyib Ərdoğanın seçilməsini istəyirik. Biz onu sevirik. Həmişə istəyirik ki, qardaş Türkiyə bizim yanımızda olsun”, “Ərdoğanı prezident görmək istəyirəm. Ondan başqa heç kimi görmürəm mən”, “Kim demokratik yol ilə seçilsə, onun da vurğunu olacam” və sair bu kimi fikirlər bildiriblər.
Sorğunun nəticəsi olaraq, hər kəs prezident R.T.Ərdoğanın seçilməsini istəyib.
Video-soğunu təqdim edirik:
Müxbir: Qaytən Qasımzadə