Bugun.tv xəbər verir ki, Türkiyə ilə Suriya arasında normallaşma danışıqları davam edir. Moskvanın verdiyi açıqlamada iki ölkə arasında münasibətlərin normallaşması baxımından yaxşı nəticələrin əldə edildiyi bildirilib. Bunun regional sabitliyə və Suriyadakı vəziyyətin həllinə töhfə verəcəyi vurğulanıb.
Danışıqlarda Rusiya və İranın da iştirak etdiyi bir vaxtda Rusiya Xarici İşlər Nazirliyinin sözçüsü Mariya Zaxarova məsələni dəyərləndirib. Zaxarova Türkiyə-Suriya münasibətlərinin normallaşması üçün aparılan danışıqları bölgədə sabitliyin mühüm elementi kimi gördüklərini bildirib. Ankara-Dəməşq münasibətlərinin yaxşılaşdırılması üçün Türkiyə, Suriya, İran və Rusiya arasında keçirilən 4 formatlı görüşləri xatırladıb. “Bölgədə sabitlik üçün vacib olan Türkiyə-Suriya münasibətlərinin normallaşması baxımından yaxşı nəticələr əldə edilib. Biz Türkiyə-Suriya danışıqlarını regionda sabitliyin mühüm elementi və Suriyadakı vəziyyətin həllində mühüm amil kimi görürük”, – M.Zaxarova vurğulayıb.
Mənbə: Ensonhaber