“Aday belli, karar net” – “Namizəd bəlli, qərar dəqiq” şüarı ilə Rəcəb Tayyib Ərdoğana dəstək olduqlarını göstərən mitinq Milliyətçi Hərəkat Partiyası tərəfindən təşkil edilib. Partiya sədri Devlet Baxçeli çıxış edərək, tədbirə gələnləri salamlayıb, böyük ehtiramını bildirib.
Bugun.tv xəbər verir ki, aksiyaya yerli sakinlərlə yanaşı, yaxın şəhərlərdən partiya üzvləri və digər dəstəkçi təşkilatlar da qatılıblar. Onların arasında “Adana Ülkü Ocakları”nın kollektivi də olub.
Təşkilatın sədr müavini Onur Sağbaş Bugun.tv-yə müsahibəsində insanların çoxluq təşkil etdiyi mitinqin çox möhtəşəm və coşqu ilə keçdiyini deyib. 2023-cü ildə namizədliyini irəli sürdükləri R.T.Ərdoğanı Türkiyənin prezidenti görmək istədiklərini bildirib. “Adana Ülkü Ocakları”ı olaraq bu mitinqə kütləvi olaraq qatıldıqlarını vurğulayıb.
