Türkiyənin tanınmış kanto ifaçısı, səs artisti, kino və teatr aktyoru Nurhan Damcıoğlu 82 yaşında vəfat edib. Bugun.tv xəbər verir ki, bu barədə ölkənin Mədəniyyət və Turizm Nazirliyinin sosial media hesabında məlumat dərc olunub.
Fiziki müalicə üçün İzmir Bakırçay Universiteti Çiğli Təhsil və Araşdırma Xəstəxanasına gedən Damcıoğlunun vəziyyəti xəstəxanada pisləşib. Reanimasiyaya yerləşdirilən sənətçi ürək çatışmazlığından dünyasını dəyişib.
Qeyd edək ki, Nurhan Damcıoğlu Türkiyəyə kantonu gətirən sənətçi kimi ölkə mədəniyyətinə böyük töhfə verib.
Mənbə: TRT haber