Bugun.tv xəbər verir ki, mayın 5-də Türkiyənin paytaxtı Ankara şəhərində Türkiyə Cümhuriyyətinin 100 illiyi ilə bağlı tədbir keçiriləcək. “Respublikanın 100-cü il dönümündə ergenekondan çıxış” adlı mərasimə səfirlik və nazirliyin nümayəndələri, millət vəkilləri, hüquqşünaslar, yazarlar və tələbələr qatılacaqlar.
Tədbirin açılışını Azaflı Sosial Yardım və Mədəniyyət Dərnəyinin və Türk Dünyası Kültür Mərkəzinin rəhbəri, vəkil Arzuman Azaflı edəcək.
Sonra professor, doktor Ankara Universitetinin Dil və tarix, Coğrafiya fakültəsi, tarix bölümü, türk tarixi və türk dünyası araşdırmaçısı Abdullah Gündoğdu, doktor Babək Şahit, tarix üzrə doktor ,Təbriz Araşdırmaları İnstitutu – TEBAREN-nin sədr köməkçisi, “Varlıq” jurnalının yazarlar təşkilatının üzvü çıxış edəcək.
Proqramın davamında Türk Musiqiləri Ritm Qrupu əsərlər səsləndirəcək.
Tədbirin sonunda Türk Dünyası Mədəniyyət Mərkəzinin və Azaflı Sosial Yardım və Mədəniyyət Dərnəyinin rəhbəri Arzuman Azaflı qonaqlara təşəkkür sertifikatı və “Xarı Bülbül” plaketi ilə nişanını hədiyyə edəcəkdir.
Tədbirdə, həmçinin 3 May 1944 -cü ildə qəbul olunan “Türkçülük Günü”, “19 may – Atatürkü anım günü”, “Gənclik və İdman Bayramı”da qeyd olunacaq.