Türkmənistanın Mərkəzi Seçki Komissiyası (MSK) ölkədə keçirilən parlament seçkilərini legitim tanıyıb.
Bugun.tv xəbər verir ki, bu barədə komissiyanın sədri Gülmurat Muradov jurnalistlərə bildirib.
Rəsmi qeyd edib ki, Türkmənistanda qeydə alınmış 3 milyon 496 min 475 seçicidən 3 milyon 185 min 763 nəfər səs verib. Bu da seçicilərin 91,12 faizini təşkil edib. O, həmçinin bildirib ki, 13 078 nəfərin səs verəcəyi gözlənilən xaricdəki diplomatik nümayəndəliklərdəki seçki məntəqələrində səsvermə hələ də davam edir.
Yerli vaxtla saat 19:00-a olan məlumata görə, martın 26-da Türkmənistanda seçki məntəqələri bağlanarkən xaricdə 12 300 seçici səs verib.
Muradov vurğulayıb ki, komissiya 7 gün ərzində qanunvericiliyə uyğun olaraq yekun seçici fəallığını elan edəcək.
Türkmənistan Mərkəzi Seçki Komissiyasının sədr müavini Amangeldi Qandımov bildirib ki, respublika qanunvericiliyində seçicilərin iştirak həddi yoxdur.
Qeyd edək ki, 2018-ci ildə keçirilən son parlament seçkilərində vətəndaşların 91,75 faizi iştirak edib.
Mənbə: TASS