Meksikada təyyarəni qaçırmaq cəhdinin qarşısı kabin heyəti və sərnişinlər tərəfindən alınıb. Daxili uçuş zamanı sərnişin təyyarəni zorla ABŞ-a yönləndirməyə çalışıb. Meksikada hava yolları şirkətlərindən biri olan “Volaris” təyyarəsini daxili reysdə olarkən sərnişin qaçırmağa cəhd edib. Həyat yoldaşı və 2 uşağı ilə səyahət edən 31 yaşlı kişi təyyarəni zorla ABŞ-a yönləndirməyə çalışıb.
Açıqlamaya görə, Meksikanın mərkəzindəki El Bajio bölgəsindən Aşağı Kaliforniya ştatının Tixuana şəhərinə uçan təyyarənin sərnişini kabin xidmətçisinə hücum edərək kabinəyə girməyə cəhd edib.
Sərnişinin təyyarəni zorla ABŞ-a yönləndirmək cəhdinin qarşısı kabin heyəti və sərnişinlər tərəfindən alınıb. Daha sonra təyyarə təyinat yerindən təxminən 2220 kilometr aralıda yerləşən Qvadalaxara Beynəlxalq Hava Limanına məcburi eniş edib.
Saxlanılan sərnişin ilk ifadəsində bu cəhdi yaxın qohumunun cinayətkarlar tərəfindən qaçırıldığı və hədələndiyi üçün etdiyini iddia edib.
Bildirilib ki, Volaris Airline şirkəti məhkəməyə müraciət edərsə, şübhəli 3 ildən 20 ilə qədər həbs cəzası ala bilər.
Mənbə: Tgrt