Nepalda dünyanın ən təhlükəli dağlarından biri olan Annapurnada qar uçqunu baş verib və alpinistlər panikaya düşərək qaçmağa məcbur olublar.
Nepalın Qandaki bölgəsindəki Annapurna dağında uçqun baş verib. Bu an alpinistlərin kameralarına saniyə-saniyədə çəkilib.
Kadrlarda uçqunun dik yamacdan aşağı düşərək təxminən 4100 metr hündürlükdə yerləşən baza düşərgəsinə doğru getdiyi görünüb.
Uçqun düşərgədəki çadırları dağıdıb, güclü külək və qar yağışı ilə üzləşən turistlər və bələdçilər üçün görünürlük sıfıra endirilib. Xəsarət alanlar və ölüm halları qeydə alınmayıb və fəlakətin qarşısı çətinliklə alınıb.
Annapurna gözlənilməz şəraiti və kələ-kötür relyefi səbəbindən dünyanın ən təhlükəli dağlarından biri kimi tanınır.
Mənbə: Hurriyet.com