“ABŞ və Avropa İttifaqı Kiyevə maliyyə dəstəyini dayandıran kimi Ukraynadakı hərbi münaqişə bitəcək”.
Bugun.tv xəbər verir ki, bunu Macarıstanın baş naziri Viktor Orban Kossuth radiostansiyasına müsahibəsində bildirib.
O, Ukraynanın maliyyə və iqtisadi baxımdan müflis olduğunu vurğulayıb.
“Ukrayna iqtisadi cəhətdən mövcud olmayan ölkədir. ABŞ və Avropa İttifaqı Ukrayna dövlətini maliyyələşdirməyi dayandıran kimi müharibə başa çatacaq”,- Orban qeyd edib.
“Hazırda vəziyyət fərqlidir. Macarıstan vergi ödəyiciləri ümumi Avropa büdcəsi vasitəsilə Kiyevi dəstəkləməlidir. Ukraynada macar azlığının hələ də təqiblərə məruz qalması pis haldır”, – o vurğulayıb.
Orban hesab edir ki, ABŞ və Aİ-nin maliyyə yardımı Ukraynaya pensiya və maaşları ödəməyə imkan verir. Düşünür ki, bu vəziyyət uzun müddət davam edə bilməz.
Mənbə:TASS