ABŞ prezidenti Donald Trampın Ukrayna və Rusiya üzrə xüsusi nümayəndəsi Keyt Kelloq Kiyevin NATO üzvlüyü ilə bağlı “NATO-dan söhbət gedə bilməz. Siz onun bir parçası olmayacaqsınız” deyib.
Xüsusi nümayəndə Kellogq Fox News-a Ukraynada mümkün sülh və ölkənin NATO prosesi haqqında danışıb.
Kelloqq bildirib ki, Vaşinqton administrasiyası Rusiya-Ukrayna müharibəsində mümkün atəşkəslə bağlı müxtəlif danışıqlar aparır.
Kelloqq qeyd edib ki, ABŞ-ın qlobal miqyasda iştirak etməli olduğu bir çox məsələ var və uzun müddət davam edən Rusiya-Ukrayna müharibəsindən bir fürsət yarana bilər.
Sülh prosesinin şərtlərinin Rusiya və Ukrayna tərəflərinə təqdim ediləcəyi “ilkin protokol” razılaşmasına vasitəçilik edəcəklərinə diqqət çəkən Kellogg, “NATO-dan söhbət gedə bilməz. Siz bunun bir parçası olmayacaqsınız” deyərək Ukraynaya müraciət edib.
Mənbə: TrtHaber