Bugun.tv xəbər verir ki, Ukraynanın Cənub Əməliyyat Komandanlığı ötən gecə Ukraynanın cənubunda rusların raket və pilotsuz uçuş aparatının (PUA) hücumu nəticəsində Odessa vilayətindəki limanın zədələndiyini bildirib. Komandanlığın sosial media hesabından edilən yazılı açıqlamada, ötən gecə Rusiya ordusunun Ukraynanın cənub bölgələrinə raket və İHA hücumları həyata keçirdiyi bildirilib. “Bütün raketlər hava hücumundan müdafiə qüvvələrimiz tərəfindən məhv edilib. Odessa vilayətində 21 PUA vurulub”. Açıqlamada partlayış dalğası və raketlərin vurulması nəticəsində düşmüş raket hissələrinin liman infrastrukturunun və bir çox evin zədələndiyi, 1 yaralının xəstəxanaya aparıldığı vurğulanıb. Ukrayna Hərbi Hava Qüvvələri Komandanlığından verilən açıqlamada rusların ötən gecə 6 Kalibr raketi və 36 İHA ilə cənubdan Ukraynaya hücum etdiyi qeyd edilib. Açıqlamada Ukrayna hava hücumundan müdafiə qüvvələri və vasitələri tərəfindən 6 raket və 32 İHA-nın məhv edildiyi bildirilib, “Kalibr qanadlı raketləri və İHA-ların əksəriyyəti cənubda Odessa və Nikolayev bölgələrində, digərləri isə vurulub. Donetsk, Xarkov və Dnepr vilayətlərində vuruldular”- məlumatda bildirilib.
Mənbə: TRT Haber