Ukrayna Prezidenti Vladimir Zelenski “Münasibətlərimiz həmişə olduğu kimi ən yüksək səviyyədədir və buna görə cənab Prezident (Rəcəb Tayyib) Ərdoğana və bütün türk xalqına təşəkkür edirəm” deyib.
Zelenski Prezident iqamətgahında prezident Rəcəb Tayyib Ərdoğanla görüşündən sonra keçirilən birgə mətbuat konfransında danışıb.
Türkiyədə qarşılaşdıqları qonaqpərvərlikdən, iki ölkə arasında aparılan danışıqlarda hərtərəfli və konstruktiv yanaşmadan məmnun olduğunu bildirən Zelenski, “Münasibətlərimiz hər zaman olduğu kimi ən yüksək səviyyədədir və buna görə prezident Ərdoğana və bütün türk xalqına təşəkkür edirəm” deyib.
Zelenski onlara Rusiya-Ukrayna müharibəsinin çətin anlarında göstərdikləri dəstəyə görə təşəkkür edib və “Türkiyə Ukraynanın ərazi bütövlüyü və suverenliyi ilə bağlı çox prinsipial mövqe nümayiş etdirib. Fikrimizcə, bu, qlobal əhəmiyyət kəsb edir” deyib.
Ukrayna prezidenti Zelenski danışıqlarda ukraynalı məhbusların vəziyyətinin də müzakirə edildiyinə diqqət çəkərək, “Türkiyə həm əsgərlərimizin, həm də mülki şəxslərin azad edilməsi üçün şərait yaradıb” deyib.
Ukraynanın Ankaraya yeni təyin olunmuş səfiri Neriman Cəlalın da 3 ildir əsirlikdə olduğunu bildirən Zelenski, “Bütün ukraynalı məhbuslar öz evlərinə qayıtsınlar. Ailələri ilə birlikdə sülh və əmin-amanlıq içində yaşasınlar, biz bunu Ukraynaya qaytarmalıyıq” deyib.
Ukraynada müharibənin bitməsi ilə bağlı məsələlərin Ukraynasız müzakirə edilə bilməyəcəyini bildirən Zelenski, “Rusiya-ABŞ görüşü (Riyadda) bizim üçün sürpriz oldu. Biz mediadan öyrəndik” deyib.
Mənbə: TrtHaber