Rusiya son sutka ərzində Ukraynaya 50 hava və 11 raket hücumu həyata keçirib.
Bugun.tv xəbər verir ki, bu barədə Ukrayna Baş Qərargahından bildirilib.
“Rusiya çoxbarrelli raket sistemləri ilə əsgərlərimizin mövqelərinə və yaşayış məntəqələrinin mülki infrastrukturuna 75 hücum həyata keçirib. Nəticədə dinc sakinlər həyatını itirib”, – deyə məlumatda qeyd olunub.
Açıqlamada Rusiya qüvvələrinin Liman, Baxmut, Avdiyivka, Marinka və Şahtersk istiqamətlərində hücumlarını intensivləşdirdiyi deyilib.
“Ukrayna Hərbi Hava Qüvvələrini son sutkada rus əsgərlərinin cəmləşdiyi bölgələri 17 dəfə vurub. Əsgərlərimiz düşmənin Mi-24 helikopterini və 6 pilotsuz təyyarəsini zərərsizləşdirib”,- bildirilib.
Qeyd olunub ki, Ukraynanın raket və artilleriya bölmələri Rusiyanın 2 komanda məntəqəsini, 2 zenit-raket kompleksini, 1 sursat tərkibini və 2 elektron döyüş məntəqəsini məhv edib.
Mənbə: TRT