“Ukrayna xalqı artıq dost və qardaş Azərbaycanın qazı ilə çaylarını dəmləyəcək, evlərini isidəcək. Bu təkcə enerji sahəsində əməkdaşlıq deyil, iki xalq arasında uzun illər formalaşmış dostluğun və strateji tərəfdaşlığın göstəricisidir” – bu açıqlamasını siyasi ekspert Aqil Məmmədov öz sosial media hesabında paylaşıb.
Ekspert qeyd edib ki, Şahdənizdə hasil edilən qaz Bakı-Kiyev arasında strateji körpünün özülünü möhkəmləndirən, əməkdaşlığı yeni müstəviyə çıxardan geosiyasi hadisədir.
Ən əsası hər bir Ukraynalı haqqını ödəyib aldığı enerjidən gələn gəlir onlara qarşı deyil, işğaldan azad edilən Qarabağın yenidən qurulmasına sərf ediləcək.
Ümid edirəm ən qısa zamanda əsl Azərbaycan çayını, Ukraynanın təmiz bulaq suyu ilə Xarkov, Kiyevdə Azərbaycan qazında dəmləyib içmək hər birimizə qismət olacaq.
Politoloq, siyasi ekspert Aqil Məmmədov.