Rusiya hərbçiləri Ukraynanın Dnepropetrovsk vilayətində işçiləri daşıyan avtobusa pilotsuz uçuş aparatı (PUA) ilə hücum edib. Hücum nəticəsində azı 9 nəfərin öldüyü, onlarla insanın yaralandığı bildirilir.
Dnepropetrovsk vilayətinin qubernatoru Sergey Lısak Telegram-da deyib: “Düşmən hücumu 9 nəfərin həyatına son qoyub. Yaralıların sayı durmadan artır. Hazırkı məlumata görə, 30 yaralı var”.
Sergey Lısakın paylaşımında hücum nəticəsində avtobusun tavanında deşik açıldığı və şüşələrinin sındığı görülüb.
Postda həmçinin qeyd olunub ki, avtobus cəbhə xəttindən təxminən 10 kilometr aralıda, 45 min əhalisi olan Marqanets şəhərində olub.
Mənbə: HurriYet