Bugun.tv xəbər verir ki, Ukrayna Təhlükəsizlik Xidməti Xarkovda Rusiya kəşfiyyatına məlumat ötürdüyü üzə çıxan 52 yaşlı kişinin saxlanıldığını açıqlayıb.
Ukrayna Təhlükəsizlik Xidmətinin (SBU) verdiyi açıqlamada saxlanılan şəxsin Ukrayna mövqelərinə casusluq edən qrupun üzvü olduğu bildirilib.
Məlumata görə, sözügedən şəxs müharibənin əvvəlində işə götürülüb və Ukrayna ordusunun mövqelərində şəxsi heyətin sayını, silah-sursatını və hərbi qruplaşmaların koordinatlarını müşahidə edib.
O, hazırda həbsdədir. Cinayətin bütün hallarının müəyyənləşdirilməsi istiqamətində araşdırmalar davam etdirilir. Cinayətkarı isə ömürlük həbs gözləyir.
Mənbə: Ensonhaber