“Bir ölkənin hərbi gücünü artırmaq və ya digərinə sanksiyalar tətbiq etmək sülhə nail olmağa kömək etməyəcək. Bu tərəfləri dialoqa aparan deyil və danışıqları asanlaşdıran şərait yaratmır. Ona görə də bu, bilərəkdən və ya istəmədən münaqişəni yalnız uzadır”.
Bugun.tv xəbər verir ki, bu barədə Braziliya prezidentliyinin baş müşaviri Selso Amorim “Folha de Sao Paulo” qəzetinə müsahibəsində bildirib.
Diplomat həmçinin, “Rusiyanı zəiflətmək” və ya “Rusiyanı məğlub etmək” planları haqqında bəyanatları tənqid edərək, bunların sülh gətirməyəcəyini bildirib.
“Rusiya nəhəng və mühüm ölkədir. Üstəlik, Braziliyanın tərəfdaşıdır”, – Amorim deyib.
O, ölkəsinin BMT Nizamnaməsinə və beynəlxalq hüquqa hörmət etdiyini bir daha təsdiqlədi.
Amorim eyni zamanda, Kiyevin müttəfiqlərini Şərqi Avropada sülh prosesinə mane olmamağa çağırıb.
“Nə edirsən? İntiqam istəyirsən? Dərs vermək istəyirsən? Bu siyasət sonuncu dəfə Birinci Dünya Müharibəsindən sonra tətbiq edilib və bundan sonra nə baş verdiyini hamımız xatırlayırıq”, – deyə prezidentin müşaviri əlavə edib.
Mənbə: TASS