“The New York Times” yazır ki, ABŞ Konqresinin Nümayəndələr Palatası Pentaqonun Ukraynaya təhlükəsizlik yardımı göstərmək təşəbbüsü üçün 400 milyon dollar ayrılmasını təsdiqləyib.
Konqresmenlər Kiyev üçün maliyyənin kəsilməsini tələb edən respublikaçı Marjorie Taylor Greenin təklifini də rədd ediblər. Sənədə Pentaqonun Ukraynaya hərbi yardımı dayandırmaq və ya ləğv etmək planları barədə ABŞ Konqresini xəbərdar etməsi tələbi əlavə edilib. NYT xatırladır ki, yayda Pentaqon konqresmenləri xəbərdar etmədən bu prosesi dayandırmışdı.
Yardımın ayrılması Pentaqonun 2026-cı il büdcə layihəsinə daxil edilib və onun ümumi məbləği 892,6 milyard dollar təşkil edib. Sənəd 196 əleyhinə 231 səslə qəbul edilib.
İyulda ABŞ Senatının Silahlı Qüvvələr Komitəsi Ukraynaya daha böyük məbləğdə – 500 milyon dollar yardım ayırmağı təklif edib.
Mənbə: mail.ru